Aşgabat we Tokio ykdysady hyzmatdaşlygyň gün tertibindäki meseleleri ara alyp maslahatlaşarlar
Ykdysady hyzmatdaşlyk boýunça bilelikdäki türkmen-ýapon we ýapon-türkmen toparynyň 15-nji bilelikdäki mejlisine taýýarlyk görülýär. Bu foruma uly göwrümli korporasiýalaryň ýolbaşçylaryny öz içine alýan ýapon wekiliýetiniň gatnaşmak üçin Aşgabat şäherine gelmegine garaşylýar.
Duşuşyk 17-nji dekabrda meýilleşdirilýär. Çärä iki tarapdan 100-e golaý wekiliýet gatnaşar. Russiýa we GDA ýurtlary bilen söwda we ykdysady gatnaşyklar assosasiýasy çäräniň guramaçysy bolup çykyş edýär. Mejlisiň gün tertibi giň göwrümli mowzuklary öz içine alýar. Hyzmatdaşlygyň esasy ugurlary – ulag, elektroenergetika, senagat, suw hojalygy, maliýe, ekologiýa, şeýle hem bilim we saglygy goraýyş.
Öňümizdäki mejlisde taraplar gatnaşyklary çuňlaşdyrmaga we strategiki taýdan möhüm pudaklarda özara hyzmatdaşlygy giňeltmäge, maýa goýumlaryny çekmäge we innowasiýa başlangyçlaryny durmuşa geçirmäge gönükdirilen taslamalary ara alyp maslahatlaşmagy meýilleşdirýärler.
Ykdysady hyzmatdaşlyk boýunça bilelikdäki türkmen-ýapon we ýapon-türkmen komitetleriniň geçen 14-nji mejlisi 2022-nji ýylyň dekabr aýyndaTokio geçirildi.
ORIENT
