Türkmenistanyñ Prezidenti ABŞ-nyñ senatoryny kabul etdi
Türkmenistanyñ Prezidenti Serdar Berdimuhamedow Amerikanyň Birleşen Ştatlarynyň Senatynyň Energetika we tebigy serişdeler boýunça komitetiniň agzasy, Montana ştatyndan senatory Stiw Deýnsi kabul etdi.
Hormatly myhman wagt tapyp kabul edendigi üçin döwlet Baştutanymyza hoşallyk bildirip, ABŞ-da Bitarap Türkmenistan bilen özara bähbitli gatnaşyklaryň ösdürilmegine möhüm ähmiýet berilýändigini belledi. Taraplar iki ýurduñ arasyndaky syýasy dialogyñ işjeñ ýagdaýy, söwda-ykdysady ulgamy barada maslahatlaşdylar.
Bu babatda "Türkmenistan-ABŞ" işewürler geňeşiniň goşýan goşandyna aýratyn ähmiýet berilýär. Türkmenistanda köp ýyllaryň dowamynda möhüm taslamalary durmuşa geçirmekde iri amerikan kompaniýalary bilen netijeli hyzmatdaşlyk alnyp barylýar.
Özara gatnaşyklaryň ileri tutulýan ugurlary boýunça pikir alyşmalaryň dowamynda ikitaraplaýyn hyzmatdaşlygy ösdürmek üçin giň mümkinçilikleriň bardygyna üns çekildi.
ORIENT news
