Moskwada – «Russiýanyň Ulagy» atly halkara ulag sergisi we forumy geçirildi
19-21-nji noýabr aralygynda Russiýa Federasiýasynyň Moskwa şäherinde – «Russiýanyň Ulagy» atly halkara ulag sergisi we forumy geçirildi.
Bu sergi we forum ýurduň bu ugurdaky esasy pudak wakalarynyň biridir. Forumyň iş maksatnamasynyň uly bölegi, strategiki hyzmatdaşlygy ösdürmek we milli ulag ulgamlaryny Garaşsyz Döwletleriň Arkalaşygynyň umumy ulgamyna goşmak ýaly halkara gün tertibine bagyşlandy. Maksatnama “Ulag hyzmatdaşlygy “GDA+”: özara baglanyşyk, durnuklylyk, netijelilik” atly umumy ara alyp maslahatlaşmalary, GDA-nyň utgaşdyryş ulag konferensiýasynyň mejlisini ýaly birnäçe möhüm çäreleri öz içine aldy.
Forumyň çäklerinde Ermenistan, Belarus, Gazagystan, Gyrgyzystan, Mongoliýa, Russiýa, Täjigistan, Türkmenistan we Özbegistan ýaly ýurtlardan wekiller çykyş etdiler. Gatnaşyjylar ýurtlarynda ulag-logistika pudagynda gazanylan üstünlikler, ýetilen sepgitler we mümkinçilikler barada aýtdylar.
