Türkmenistanly türgenler guşakly göreş boýunça dünýä çempionatynda 9 medal gazandy
Türkmen türgenleri Kazanda (Russiýa) geçirilen guşakly göreşi boýunça dünýä çempionatynda üç altyn, bir kümüş we bäş bürünç medal gazandy.
Bäsleşige 35 ýurtdan 270 töweregi türgen gatnaşdy. Bäsleşik 10-13-nji noýabr aralygynda erkin we nusgawy görnüşinde geçirildi.
Dünýä çempiony diýen derejä we altyn medallara üç sany türkmen türgeni eýe boldy:
Abdyresul Durdyýew (62 kg çenli, erkin görnüşinde); Annagurban Allaberdiýew (90 kg çenli, erkin görnüşinde) we Pälwan Gurbangeldiýew (100 kg çenli, erkin görnüşinde).
Kümüş medaly Türkmenistanyň milli toparyna 100 kg çenli agram derejesinde (nusgawy görnüşinde) ikinji orny eýelän Nurmuhammet Baýdogdyýew getirdi.
Dünýä çempionatynda bäş bürünç medal gazandylar:
Aşyrmyrat Amandurdyýew (57 kg çenli, erkin görnüşinde); Azymmuhammet Orazmuhammedow (75 kg çenli, erkin görnüşinde); Nobatgeldi Nazarow (100 kg çenli, erkin görnüşinde); Mekan Nurberdiýew (68 kg çenli, erkin görnüşinde) we Dawut Nazarow (100 kg ýokary derejede, nusgawy görnüşinde).
ORIENT News
