Türkmen tennisçileri Dewisiň kubogy ugrundaky ýoluny iki ýeňiş bilen başladylar
Türkmenistanyň milli ýygyndy topary, Bahreýn döwletiniň Isa Town şäherinde geçirilen Dewisiň kubogynyň sebit ýaryşynyň açylyş oýunlarynda iki sany möhüm ýeňiş gazandy. “B” toparynda türkmen tennisçileri Makao we Mongoliýa toparlaryny şol bir hasap bilen ýagny 2:1 hasabynda üstün çykdylar.
Ýaryş Aziýa we Okeaniýa sebitiniň V toparynyň çäginde geçirilýär, dört topara bölünen 15 topar öz derejsinde öňe saýlanmak üçin bäsleşýär. “B” toparynda şeýle hem Filippinleriň, Makaonyň we Mongoliýanyň toparlary çykyş edýärler.
Ýaryşyň beýleki toparlary aşakdakylar: “A” toparda – Guam, Nepal we Bruneý; “C” toparda – Demirgazyk Mariana adalary, Laos, Maldiwler we Butan; “D” toparda – Bahreýn, Ýemen, Bangladeş we Täjigistan.
Ýaryşyň ahyrynda toparyň ýeňijileri pleý-offa çykarlar, bu ýerde iň oňat iki toparyň geljek ýyl Aziýa we Okeaniýa sebitindäki IV toparynda oýnamaga mümkinçiligi bolar. Bu ýaryşda Türkmenistanyň milli ýygyndysynyň düzümi: Ýuriý Rogusskiý, Meýlis Orazmuhamedow, Gurbanberdi Gurbanberdiýew we Hajymyrat Çaryýew. Toparyň kapitany – Mirali Hasanow. Wekiliýete Türkmenistan Tennis federasiýasynyň başlygy Eziz Döwletow ýolbaşçylyk edýär.
ORIENT news
