Türkmenistanyñ Döwlet gullugy akademiýasynyñ wekiliýeti Astanadaky halkara foruma gatnaşdy
Türkmenistanyñ Prezidentiniñ ýanyndaky Döwlet gullugy akademiýasynyñ wekiliýeti Astanada "Döwlet dolandyryşy we döwlet gullugy: şu güni we geljegi" atly Halkara ylmy-amaly maslahatyna gatnaşdy.
Maslahat Gazagystan Respublikasynyñ Prezidentiniñ ýanyndaky Döwlet dolandyryşy Akademiýasynyñ döredilmeginiñ 30
Çäre üýtgeýän şertlerde döwlet dolandyryşy we döwlet gullugy bilen baglanyşykly derwaýys meseleleri ara alyp maslahatlaşmak, döwlet gullugy pudagynda strategiki özgertmeleri boýunça teklipleri işlemek üçin meýdança açyp berdi.
Halkara ylmy-amaly maslahatyñ çäginde türkmen wekiliýetiniñ Gazagystan Respublikasynyñ Prezidentiniñ ýanyndaky Döwlet dolandyryşy Akademiýasynyñ wise-rektory Margarita Kadyrowa bilen duşuşygy geçirildi.
Taraplar akademiýalaryñ arasynda ýola goýulan hyzmatdaşlygy ösdürmegiñ mümkinçilikleri barada maslahatlaşdylar.
Bu Forum bilim ulgamy boýunça ikitaraplaýyn we köptaraplaýyn hyzmatdaşlyga täze mazmun berip, sebitiñ ýokary okuw mekdepleriniñ arasynda gatnaşyklaryñ pugtalandyrylmagyna itergi berer. Şeýle-de ol Türkmenistanda döwlet gullukçylarynyň taýýarlanylmagyny kämilleşdirmäge ýardam eder.
ORIENT news
