Türkmenistanyň we Russiýanyň hünärmenleri ilatyň ýokanç kesellere garşy immuniteti boýunça barlaglary geçirerler
Türkmenistanda häzirki wagtda ilatyň derwaýys ýokanç kesellerine garşy immunitetini bahalandyrmak boýunça giň gerimli barlaglar geçiriler. Taslama RF-yň Russiýanyň alyjy gözegçiliginiň Paster adyndaky Epidemiologiýa we mikrobiologiýa ylmy-barlag institutynyň hemaýaty bilen durmuşa geçiriler. Bu barada “Нейтральный Туркменистан” gazeti habar berýär.
Taslamany durmuşa geçirmek üçin Aşgabada Sankt-Peterburgdan ylmy-barlag institutynyň direktory, RYA-nyň akademigi, professor Areg Totolýanyň ýolbaşçylygyndaky lukmançylyk hünärmenleriň topary geldi. Saparyň ilkinji gününde hyzmatdaşlyk barada ikitarapalýyn ylalaşyga gol çekildi.
Ylalaşyga laýyklykda, barlaglar gyzamyk, gyzylja, parotit (hapgytrma), difteriýa (täjihoraz) we ýokanç gepatit (sary getirme) ýaly möhüm ýokanç kesellerini öz içine alar. Işiň çäklerinde hünärmenler barlaghana maglumatlaryny toplap, ilatyň immunitetiniň häzirki ýagdaýy barada maglumatlary almak üçin mugt serologiýa barlaglaryny geçirer.
Neşiriň bellemegine görä, munuň ýaly barlaglar Türkmenistanda ilkinji gezek geçirilýär. Alnan netijeler epidemiologiýa ýagdaýyny çaklamaga we öňüni alyş çärelerini, şol sanda sanjymlar maksatnamasyny kämilleşdirmäge ýardam eder.
Uzakmöhletleýin ylalaşyk bäş ýyla niýetlenen hem-de diňe bir amaly tejribeleriň geçirilmegini öz içine alman, eýsem hünärmenlere bilim bermekden, ylmy taslamalaryň durmuşa geçirilmeginden we iki ýurduň hünärmenleriniň arasynda tejribe alyşmak hyzmatdaşlygyndan ybarat bolar. “Bu Ylalaşyk hem amaly, hem ylmy wezipeleri öz içine alýar.
Biz hünärmenleri taýýarlamak, tejribe alyşmak we bilelikde ylmy taslamalary işläp taýýarlamak boýunça hyzmatdaşlyk ederis” – diýip, ylmy-barlag institutynyň direktory, RYA-nyň akademigi, professor, lukmançylyk ylymlarynyň doktory Areg Totolýan belledi.
Bu barlaglar saglygy goraýyş we ýokanç keselleriň öňüni almak boýunça Türkmenistan bilen Russiýanyň arasyndaky hyzmatdaşlygy pugtalandyrmakda möhüm ädim bolar.
ORIENT news
