Magtymguly adyndaky TDU we “Türkmenistan” gazeti ýaşlaryň arasynda bäsleşik geçirýär
Magtymgulynyň doglan gününiň 300 ýyllygy mynasybetli Magtymguly adyndaky Türkmen döwlet uniwersiteti “Türkmenistan” gazetiniň redaksiýasy bilen bilelikde ýokary okuw mekdepleriniň talyplarynyň arasynda “Döwrüň özgertmeleri – ýaş žurnalistleriň gözi bilen” atly döredijilik bäsleşigini yglan edýär.
Bäsleşik ýaşlary watançylyk we agzybirlik ruhunda terbiýelemäge gönükdirilip, ýaş nesle öz Watanyna, uly yz galdyran beýik şahsyýetlerine bolan buýsançlaryny beýan etmäge mümkinçilik berýär.
Bäsleşige hödürlenýän işler Prezident Serdar Berdimuhamedow tarapyndan durmuşa geçirilýän öňdengörüjilikli özgertmelerini, halkara arenada parahatçylygy we durnuklylygy pugtalanadyrmak babatda Türkmenistan tarapyndan öňe sürülýän başlangyçalryň ähmiýetini açyp görkezmeli. Şeýle-de, awtorlar öz makalalarynda aýratyn şahsyýetleriň zähmet üstünlikleri we gazananalary barada hem beýan edip bileler.
Döredijilik bäsleşigi iki ugur boýunça geçiriler. Birinji ugra “žurnalistika” hünäri boýunça bilim alýan talyplar gatnaşyp bilerler, ikinji ugur bolsa ähli gyzyklanma bildirýän talyplar üçin açykdyr.
Işler 2024-nji ýylyň 15-nji dekabryna çenli turkmenuniwersitetitdu@gmail.com we turkmenistan-gazeti@sanly.tm elektron salgylary boýunça kabul edilýär.
Bäsleşigiň netijeleri dekabr aýynyň ahyrynda belli bolar.
ORIENT news
