Özbegistanda emeli aň we uly maglumat tehnologiýalary işläp taýýarlanylar
Özbegistanda emeli aň we uly maglumat tehnologiýalary işläp taýýarlanylar. Bu barada “Uztelecom” milli aragatnaşyk operatory we Huawei kompaniýasynyň wekilleriniň arasynda geçirilen duşuşygyň dowamynda gürrüň edildi.
Şeýle-de taraplar 5G tehnologiýalary boýunça hyzmatdaşlyk barada maslahatlaşdylar.
Özbegistanyň Milli habarlar agentliginiň habar berişi ýaly, emeli aň we uly maglumat tehnologiýalaryň ulanylmagyndaky 5G we 5.5G ulgamlaryny ornaşdyrmagyň mümkinçilikleri we iň gowy tejribeleri ýurduň Maglumat-kommunikasiýa tehnologiýalary infrastrukturasyny pugtalandyrmak, hususan-da, “akylly” şäher we “akylly” öý konsepsiýalaryny durmuşa geçirmek ýaly ugurlarda öwrenildi.
Emeli aň we uly maglumat tehnologiýalaryň ulanylmagy Özbegistanda sanlylaşdyrma işini çaltlandyrmaga ýardam eder.
Duşuşygyň netijeleri boýunça degişli taslamany durmuşa geçirmek üçin hyzmatdaşlyk barada Ähtnamanyň gol çekilmegi baradaky ylalaşyga ýetildi.
ORIENT news
