TITU-niň ýaş mugallymlary Ýaponiýada hünär derejelerini ýokarlandyrýarlar
Türkmenistanyň Oguz han adyndaky Inžener-tehnologiýalar uniwersitetiniň mugallymlary Ýaponiýanyň Halkara Hyzmatdaşlyk agentligi (JICA) tarapyndan gurnalan “Inženerçilik biliminde okatmagyň usullaryny kämilleşdirmek” atly maksatnamasynyň çäginde Ýaponiýada hünär kämilleşdiriş okuwyny geçýärler.
Tsukuba uniwersitetinde türkmen mugallymlary Ýaponiýanyň ýokary okuw mekdepleriniň öňdebaryjy mugallymlarynyň ýolbaşçylygynda ylmy-barlag işlerini alyp barýarlar.
Mundan başga-da, Ibaraki prefekturasynyň Uşiku şäherindäki Tsukuba goňşy bolan gadymy orta mekdepleriň birine baryp gördüler we şol ýerde birinji ýyl talyplaryň hemmesine umumy sapak berdiler we Türkmenistanyň medeniýeti we durmuşy barada çykyş etdiler hem-de Türkmenistanyň Oguz han adyndaky Inžener-tehnologiýalar uniwersitetiniň ylmy-tehnologiýalar merkezinde alnyp barylýan ylmy-barlag taslamalary we oýlap tapyşlar barada gürrüň berdiler.
JICA maksatnamasynyň çäginde türkmen mugallymlary hem Ýaponiýanyň şol prefekturasynyň Moriýa şäherinde geçirilen dostluk festiwalyna gatnaşyp, türkmen medeniýetiniň däplerini görkezdiler.
ORIENT
