Türkmenistanyñ türgenleri 10 aýyñ dowamynda halkara ýaryşlarda 538 medala eýe boldular
On aýyñ netijelerine bagyşlanan Türkmenistanyñ Ministrler Kabinetiniñ mejlisinde wise-premýer Baýramgül Orazdurdyýewa türkmen türgenleriniñ halkara arenadaky gazanan uly üstünlikleri barada hasabat berdi.
Jemi bu döwür üçin türkmen türgenleri 538 medal gazandylar. Olaryñ 174-i altyn, 150-si kümüş we 214-i bürünç medallardyr diýip, TDH habar berýär.
Bu üstünlikler Türkmenistany halkara arenada tanyşdyryp, hormat münberine birnäçe gezek münmegi başaran türgenleriñ taýýarlyklarynyñ ýokary derejesi we tutanýerlilikleri barada şaýatlyk edýär.
Häzirki wagtda ýurtda bedenterbiýe, sport, türgenleriñ ýokary taýýarlygy babatda uly işler alnyp barylýar. Hormatly Prezidentimiziň Karary bilen 2028-nji ýylda Los-Anjelesde (ABŞ) geçiriljek Olimpiýa oýunlaryna Türkmenistanyñ milli ýygyndy toparlaryny taýýarlamak boýunça Guramaçylyk toparynyñ döredilendigini bellemeli.
ORIENT news
