Türkmenistanyň Prezidenti deputatlara halk bilen 2025-nji ýylyň şygary we nyşany barada maslahatlaşmagy tabşyryk berdi
Türkmenistanda 2025-nji ýyla at bermegiň we nyşanyny kesgitlemegiň taýýarlyk işleri başlady. Ministrler Kabinetiniň nobatdaky mejlisiniň dowamynda Prezident Serdar Berdimuhamedow her ýyly döwrebap atlandyrmak boýunça ýylyň şygarynyň yglan edilýändigini we nyşanynyň kabul edilýändigini belledi.
Döwlet Baştutanyň bellemegine görä, mälim bolşy ýaly, Türkmenistanyň başlangyjy esasynda Birleşen Milletler Guramasynyň Baş Assambleýasynyň 78-nji sessiýasynyň 63-nji plenar mejlisinde “2025-nji ýyl – Halkara parahatçylyk we ynanyşmak ýyly” atly Kararnama kabul edildi. Şunuň bilen baglylykda, geljek ýylda hem ýurdumyzda we dünýä döwletlerinde köp sanly halkara çäreleriň geçirilmegi meýilleşdirilýär.
Mejlisiň Başlygy D.Gulmanowa ýüzlenip, Prezident Serdar Berdimuhamedow deputatlaryň halkymyz bilen maslahatlaşyp, täze – 2025-nji ýyla at bermek hem-de nyşanyny kesgitlemek boýunça degişli teklipleri taýýarlamalydygyny aýtdy.
