«Altyn Asyr» futbol kluby AFK-2 Çempionlar ligasynda Saud Arabystanynyň «Al-Taawun» bilen geçirjek oýunyna janköýerleri çagyrýar: giriş tölegsiz
"Altyn Asyr" futbol kluby, AFK-2 Çempionlar ligasynyň toparlçaýyn duşuşyklarynyň dördünji tapgyrynda geçirjek oýunyna tomaşaçylar üçin petek almazdan mugt girişi yglan etdi.
Türkmen topary 6-njy noýabrda, çarşenbe güni Saud Arabystanynyň “Al-Taawun” kluby bilen duşuşar. Duşuşyk Aşgabat stadionynda 19: 00-da başlanar. Arena giriş oýun başlamazdan iki sagat öň açyk bolar.
Toparçada kyn ýagdaýyna garamazdan, türkmen kluby “B” toparyndaky ilkinji utuklaryny toplamaga synanyşar.
Saud Arabystanyň topary bolsa 6 utuk toplap, Bahreýnden “Al-Haldiýa” kluby (6) we Yrakdan “Eýr Fors” (6) bilen birinji ýeri paýlaşýarlar.
“Al-Taawun” 1956-njy ýylda esaslandyryldy. Buraýda şäherinden wekilçilik edýän topar Saud Arabystanyň premýer-ligasynda çykyş edýär, 18 klub blen bir hatarda. Geçen möwsüm topar çempionaty dördünji orunda tamamlady. Bu möwsümde “Al-Taawun 8-nji ýerde barýar. Bu kluba braziliýaly 59 ýaşly hünärmen Perikles Raýmundo Oliweýra Şamuska tälim berýär.
ORIENT news
