Türkmenistanlylar Berline okuwa çagyrylýar: talyp hakly okuwlara kabul edilişik başlandy
Türkmenistandaky Germaniýanyň ilçihanasy daşary ýurtlaryň uçurumlary we postdoktorantlary üçin Berliniň wekiller Palatasynyň Barlag gaznasynyň stipendiýalaryny almak mümkinçilikleri barada habar berdi.
Maksatnama 2025/26-njy akademiki ýyl üçin Berliniň uniwersitetleriniň birinde okuwy we barlaglary goldamaga gönükdirilen 15 sany stipendiýalary hödürleýär.
Stipendiýa uçurumlar we doktorantlar üçin aýda 1 100 ýewro, postdoktorantlar üçin bolsa 1 630 ýewro barabar. Maksatnama 2025-nji ýylyň 1-nji oktýabryndan 2026-njy ýylyň 31-nji iýulyna çenli dowam eder.
Seçip alma talaplary ähli ugurlara degişli bolup, bu bolsa maksatnamany dürli pudaklaryň hünärmenleri üçin elýeterli edýär. Islegleriň soňky kabul ediş möhleti – 2024-nji ýylyň 15-nji dekabry.
Maksatnama boýunça goşmaça maglumatlary Berliniň wekiller Palatasynyň saýtynda https://www.parlament-berlin.de , şeýle hem Türkmenistandaky Germaniýanyň ilçihanasynyň sosial ulgamlarynda tapyp bilersiňiz.
