Türkmenistan Hytaýda bilim ulgamy boýunça geçirilen halkara maslahata we sergisine gatnaşdy
Noýabr 05, 2024 | 09:50 |8745
Myrat Garryýew adyndaky Türkmenistanyň Döwlet lukmançylyk uniwersitetinden ybarat bolan türkmen wekiliýeti bilim ulgamyna bagyşlanan Hytaýyň Halkara bilim boýunça ýyllyk maslahatyna we sergisine gatnaşdy. Maslahat Pekinde 31-nji oktýabr – 2-nji noýabr aralygynda geçirildi.
Türkmenistanyň Bilim ministrliginiň habar bermegine görä, Türkmenistanyň ýokary okuw mekdebiniň wekilleri maslahatyň çäklerinde geçirilen “Hytaý-Merkezi Aziýa saglygy goraýyş boýunça bilim hyzmatdaşlygynyň çuňlaşdyrylmagy” atly forumynda çykyş etdiler.
Gatnaşyjylar Aziýa ýurtlarynda halk lukmançylygynyň hem-de bilim we saglygy goraýyş ulgamynda emeli aňyň ulanylyşynyň ähmiýetini ara alyp maslahatlaşdylar.
ORIENT news
