Türkmenistan dizel ýangyjynyň baha elýeterliligi boýunça GDA-nyň lideri
Türkmenistan dizel ýangyjynyň baha elýeterliligi boýunça Garaşsyz Döwletleriň Arkalaşygynda birinji ýeri eýeleýär. Bu barada Global Petrol Prices (GPP) portalyna salgylanyp, “Kazinform” halkara habarlar agentligi belleýär.
Portalyň täzelenen sanawyna laýyklykda, bütin dünýä boýunça Türkmenistan 7-nji ýeri eýelýär.
Häzirki wagta Türkmenistanda dizel ýangyjynyň nyrhy bir lutr üçin 0,286 $ (140 teňňä golaý) deňdir.
Dünýäde iň arzan dizel ýangyjy Wenesueladadyr – bir litr üçin nyrhy 0,004 $, iň gymmady bolsa – Gonkongda, ol ýerde bir litr üçin 3,185 $ nyrhy bilen satylýar.
Türkmenistanyň ýokary hilli nebiti we nebit önümleri “Türkmennebit” Döwlet konserniniň Türkmenbaşynyň nebiti gaýtadan işleýän zawodlar toplumynda öndürilýär. Türkmenbaşynyň nebiti gaýtadan işleýän zawodlar toplumy dünýäniň öňdebaryjy nebiti gaýtadan işleýän zawodlaryň biri hasaplanylýar. Zawodlar toplumynyň önümleri Ýewropa, Aziýa, Ýakyn Gündogara eksport edilýär.
ORIENT news
