Dagystanda II Hazar sanly forumy açylýar
31-nji oktýabrynda Kaspiýskde Halkara hazar sanly forumy başlaýar. Hazarýaka ýurtlarynyň wekilleri Demirgazyk-Günorta ulag geçelgelerniň ösüşini ara alyp maslahatlaşarlar.
“Hazarýaka sebitiniň ýurtlarynyň wekilleri Demirgazyk-Günorta ulag geçelgeleriniň ösüşiniň çäginde özara gatnaşyklary ara alyp maslahatlaşmak üçin bir ýere ýygnanarlar,
forumyň maksady Eýran, Gazagystan Azerbaýjan we Türkmenistan bilen sanly ugurda halkara hyzmatdaşlygyny güýçlendirmek” – diýip, Dagystan Respublikasynyň Sanly ösüş ministrliginiň metbugat gullugynyň habarynda aýdylýar.
2024-nji ýylda forumyň iş meýilnamasy pudaklaýyn mowzuklary öz içine alar: “Ýeriň uzakdan barlaglaryny”, “Ulag”, “Serhetüsti sanly hyzmatdaşlyk” we “Hyzmat infrastrukturasy”. Gatnaşanlar halkara sanly merkeziň döredilmegini, serhetüsti hyzmatlary we elektron söwdä işini ara alyp maslahatlaşarlar.
Maslahatda Russiýa Federasiýasynyň Sanly ösüş, aragatnaşyk we köpçülikleýin aragatnaşyk ministri Maksut Şadaýew gatnaşar. Forumyň myhmanlarynyň arasynda Hazar sebitiniň ýurtlarynyň ilçileri, federal we sebit häkimiýetleriniň wekilleri, žurnalistler we beýlekiler bar. Umuman alanyňda, IT kompaniýalaryny döredijiler, sanly tehnologiýalary we programma üpjünçiligini öndürijiler bilen birlikde 500-den gowrak adam gatnaşar.
Forumyň meýdançasynda sanly çözgütleri hödürlemek üçin sergi açylar, dronlaryň ýaryşy, sport programmirlemesinde we hokkeý oýny boýunça Dagystanyň kubogy geçiriler. Hazar sanly forumy Russiýanyň Sanly ösüş ministrliginiň we Russiýanyň Daşary işler ministrliginiň goldawy bilen 31-nji oktýabrdan 1-nji noýabr aralygynda geçiriler.
ORIENT news
