Türkmenistanda ýaş hünärmenler üçin zähmet frilans boýunça okuw maksatnamasy başlaýar
USAID-iň häzirki zaman hünär endiklerini ösdürmek boýunça (YDA) taslamasynyň frilansa (şertnamasyz uzak aralykdan gysga möhletli iş) bagyşlanan täze okuw maksatnamasyna gatnaşmak üçin arzalary kabul edip başlandygyny habar berýär. Bu maksatnama, ýerli we halkara bazarlarda uzakdan üstünlikli işlemek üçin başarnyklaryny ösdürmek isleýän ýaş hünärmenleri taýýarlamaga gönükdirilendir.
Bu maksatnamanyň maksady – gatnaşyjylara potratçylar üçin taslamalary netijeli durmuşa geçirmäge kömek etjek zerur nazary bilimleri we amaly endikleri bermekden ybarat. Okuwyň dowamynda meşhur frilans meýdançalarynda işlemek, laýyk taslamalary gözlemek we saýlamak, şeýle hem müşderiler bilen täsirli aragatnaşyk ýaly esasy mowzuklar açylar. Şeýle hem, gatnaşyjylar “Airtable” we “Asana” ýaly häzirki zaman öndürijilik gurallary, çykdajy usullary we şahsy marka barada öwrenerler.
Okuw gibrid formatda geçiriler, bu gatnaşyjylara halkara we ýerli hünärmenleriň gatnaşmagynda adaty synp otagynda şeýle-de onlaýn bilim almaga mümkinçilik berer. Bu tejribe we bilim alyşmak üçin ajaýyp mümkinçilik döreder.
Bu maksatnama, 18 ýaşdan 28 ýaş aralygyndaky Türkmenistanyň raýatlary üçin programmirleme, grafiki dizaýn, amaly düzmek, terjime, maliýe we buhgalteriýa ýaly hünärli adamlara elýeterlidir. Maksatnama gatnaşmak mugt, bu bolsa ýaşlaryň giň toparyna elýeterli bolýar. Gatnaşmak üçin arzalar 18-nji noýabra çenli kabul edilýär.
Bu başlangyç, Türkmenistanda ýaşlaryň hünär derejesini ýokarlandyrmak ugrunda möhüm ädimdir we frikans hyzmatlara bolan islegiň artmagy netijesinde karýerany ösdürmek üçin täze mümkinçilikleri açýar.
ORIENT news
