Inçuanda 11-nji Hytaý-Merkezi Aziýa hyzmatdaşlyk forumy geçirilýär
26-njy oktýabrda 11-nji Hytaý-Merkezi Aziýa hyzmatdaşlyk forumy Hytaýyň demirgazygyndaky Inçuan şäherinde (Ninsýa-Hueý awtonom sebiti) geçirildi.
Açylyşda Hytaýyň Halk syýasy konsultatiw geňeşiniň Ählihytaý komitetiniň Başlygynyň orunbasaryny, ŞHG-nyň hoşniýetli dostluk we hyzmatdaşlyk boýunça Hytaý komitetiniň başlygy Şen Ýueýue gutlag sözi bilen çykyş etdi. Dabara awtonom sebitiň ýolbaşçylary, Hytaý Halk Respublikasynyň Daşary işler ministrligi, ŞHG-nyň Baş sekretary, diplomatik wekilhanalaryň wekillerini, işewür birleşikleriniň, uniwersitetleriň we kärhanalaryň wekillerini öz içine alýan Merkezi Aziýa ýurtlarynyň wekiliýetleriniň ýolbaşçylary gatnaşdylar.
Anna güni forumyň çäginde aşakdaky mowzuklarda dört sessiýa geçirildi: senagatyň “ýaşyl” ösüşi, häzirki zaman oba hojalygy we ylmy-tehnologiki innowasiýa, doganlaşan şäherleriň hyzmatdaşlygy hem-de medeni alyş-çalyşlar, sebit hyzmatdaşlygy.
Mundan başga-da, Ýuehaý maslahat-merkezinde Hytaý bilen Merkezi Aziýa ýurtlarynyň arasyndaky hyzmatdaşlyga bagyşlanan foto sergisi guraldy we ýanaşyk seýilgähde Hytaýyň we Merkezi Aziýa ýurtlarynyň ýaş wekilleri tarapyndan bilelikde agaç nahallary oturdyldy.
Şeýle hem forum maksatnamasy, gurnalan Hytaý-Merkezi Aziýa ýaşlar dostluk lagerine we Ninsýa-Hueý awtonom sebitindäki öňdebaryjy kärhanalara baryp görmegi öz içine alýar diýip, Türkmenistanyň Hytaý Halk Respublikasyndaky ilçihanasy habar berdi.
Mundan başga-da, Inçuan şäherinde geçirilen 11-nji Hytaý-Merkezi Aziýa hyzmatdaşlyk forumynyň çäginde Merkezi Aziýa ýurtlaryndan we Hytaý-Ýewropa demirýolynyň ugrundaky harytlaryny görkezýän Merkezi Aziýa sergi-söwda merkeziniň tanyşdyrylyşy geçirildi.
Inçuanda ýerleşýän Merkezi Aziýa sergi-söwda merkeziniň geljek ýylyň başynda resmi taýdan açylmagyna garaşylýar. Merkez satyn almagy, daşamagy we satuwy birleşdirýän terminal hyzmatydyr.
Taslama umumy söwda we serhetüsti gümrük hyzmatlaryny birleşdirýän bank amallarynyň usulyny, şeýle hem fiziki dükanlarda söwda etmek we serhetüsti awtonom tertipde alyp gitmek tejribesini birleşdirýän täze bölek satuw modelini kabul eder.
ORIENT news
