Türkmenistanyň simfoniki orkestri Rejep Rejepowyň ajaýyp eserlerini ýerine ýetirer
Türkmenistanyň Döwlet medeniýet merkeziniň Mukamlar köşgünde tanymal kompozitor Rejep Rejepowyň döredijiligine bagyşlanan konsert geçiriler.
Resul Gylyjowyň ýolbaşçylygyndaky Türkmenistanyň Döwlet simfoniki orkestri milli kinematografiýanyň saz nyşanlaryna öwrülen eserleri ýerine ýetirer. Rejep Rejepow özboluşly, häzirki zaman türkmen kompozitory. Kino sazyň žanry onuň döredijiliginiň merkezi ornuny eýeleýär. Ol 500-den gowrak çeperçilik, telewizion, dokumental we mutliplikasiýa filmleriniň saz awtory.
Rejepowa dürli žanrdaky köpsanly eserler degişlidir: hor, kamera-instrumental, simfoniki eserler, aýdymlar, romanslar, 60 sany kino filmleriň sazlary, “Görogly” operasy we “Ýartygulak” çaga rok-operasy.
Rejepowyň aýdym döredijiliginiň kino filmleriň aýdymlary has uly meşhurlyga eýe boldylar. Olaryň arasynda “Döndiň aýdymy”, “Geologlaryň aýdymy”, “Armanym”, “Humaý gözli”, “Daglar”, “Hüwdi” ýaly eserler bar. Bu aýdymlary döretmekde kompozitor köpsanly türkmen şahyrlary bilen iş alyp bardy, olar: G.Çöliýew, G.Ezizow, A.Gurbanow, T.Taganow, A.Atajanow, A.Kowusow.
Konsert 6-njy noýabrda sagat 19:00 geçirilip, kompozitoryň iň gowy eserlerini sahnada janlandyryp, diňleýjilere ýatdan çykmajak duýgylary sowgat berer.
Soragar üçin şu telefon belgilerine ýüz tutmak bolar:
+993(12)48-96-83
+993(12)22-38-98
+993(12)51-41-57
+993(63)46-71-77
+993(64)03-74-56
ORIENT news
