Türkiýede bitewi ulag kartasyny girizerler
Türkiýede Türkiye Kart bitewi ulag kartasyny girizerler.
Ýylyň ahyryna çenli bitewi ulag kartasynyň taslamasy respublikanyň 18 welaýatyny öz içine alar diýip, Türkiýeniň Ulag we infrastruktura ministri Abdulkadyr Uraloglu habar berdi.
Taslama synag görnüşinde ýurduň bäş welaýatynda girizildi: Konýada, Kaýseride, Gümüşhanede, Ýozgatda hem-de Stambuldaky Gaýrettepe-Täze howa menzili metro ugrunda. Karta ýörite gollanma arkaly elýeterli bolar.
“Geljekde Türkiýe Kart Türkiýeniň 81 welaýatynyň her birinde ulanylar” – diýip, Uraloglu belledi.
Bu taslama dürli ulag kartalarynyň hereket edilşini aradan aýyrmak üçin niýetlenen. Şol bir wagtyň özünde bu kartyň üç görnüşiniň girizilmegi meýilleşdirilýär, olaryň bir bölegi mekdep okuwçylaryna we ýokary okuw mekdepleriniň talyplaryna beriler.
ORIENT news
