Kremniý jülgesinde Merkezi Aziýanyň iri startup-kompaniýalarynyň döremegini çaklaýarlar
ABŞ-nyň Kaliforniýa ştatynyň San-Fransisko şäherinde ýerleşýän Kremniý jülgesinde indiki 10-15 ýylyň içinde Merkezi Aziýanyň iri startup-kompaniýalarynyň döremegine garaşylýar.
Bu barada Kremniý jülgesiniň taryhynda ilkinji Central Eurasia at Silicon Valley tehnologik maslahatynyň guramaçylary habar berdiler diýip, “Kazinform” halkara agentiligi Respublikanyň Sanly ösüş, innowasiýalar we aerokosmiki senagaty ministrligine salgylanyp habar berýär.
Çäre Kremniý jülgesi üçin alamatly ýer bolan Yerba Buena Arts Center zalynda geçirildi. Hut şol ýerde Apple kompaniýasynyň esaslandyryjysy Stiw Jobs ilkinji gezek iPhone we iPad modelleri bilen tanyşdyrdy.
Maslahata Respublikanyň Sanly ösüş, innowasiýalar we aerokosmiki senagaty ministri Žaslan Madiýew gatnaşdy. Guramaçylaryň pikirine görä, Merkezi Ýewraziýa üsti açylmadyk ägirt uly mümkinçiliklere eýe bolan gülläp ösýän sebitidir. Umumy ilaty 100 mln adama deň we orta ýaşy 27 bolan bu sebitiň 200 müňe golaý adamsy STEM ugry (science, technology, education, mathematics) boýunça bilim alýarlar.
Sebitiň tech-senagaty boýunça ösmek üçin ähli zerur mümkinçilikleri bar: uniwersitetler, startup-ekoulgamy, wençur gaznalar.
ORIENT news
