Hazarýaka döwletleriniň daşary işler ministrleriniň Türkmenistanda geçiriljek duşuşygyna taýýarlyk görülýär
22-23-nji oktýabr aralygynda Astanada Hazar deňzi meseleleri boýunça ýokary derejeli Iş toparynyň dokuzynjy mejlisi geçirildi.
Gepleşiklere Azerbaýjan Respublikasyndan (Samir Şarifowyň ýolbaşçylygyndaky), Eýran Yslam Respublikasyndan (Alireza Jahangiriň ýolbaşçylygyndaky), Gazagystan Respublikasyndan (Zulfiýa Amanzolowanyň ýolbaşçylygyndaky), Russiýa Federasiýasyndan (Mihail Petrakow ýolbaşçylygyndaky) we Türkmenistandan (Myrat Atajanowyň ýolbaşçylygyndaky) wekiliýetler gatnaşdy.
Taraplar Hazar deňzinde göni çykyş ugurlaryny kesgitlemegiň usulyýetini ara alyp maslahatlaşmagy dowam etdiler.
Duşuşygyň dowamynda taraplar Hazar deňzindäki hyzmatdaşlygy gözden geçirdiler, Hazarýaka döwletleriniň daşary işler ministrleriniň Türkmenistanda geçiriljek indiki duşuşygyna taýýarlyk, şeýle hem bäş taraplaýyn resminamalaryň taslamasy boýunça gepleşikleriň gidişini ara alyp maslahatlaşdylar.
Ýokary derejeli Iş toparynyň indiki mejlisi diplomatik ýollar arkaly ylalaşylan wagtda Türkmenistanda geçiriler diýip, duşuşygyn jemleýji resminamasynda aýdylýar.
