Türkmenistanly wolleýbolçylar Daşkentdaky CAVA-2024 çempionatynyñ bürünç medalyny eýelediler
Türkmenistanyñ wolleýbol boýunça milli ýygyndysy 2024-nji ýylyñ Merkezi Aziýanyñ wolleýbol Assosiasiýasynyñ çempionatynyñ (CAVA) bürünç medalyny eýelediler. Üçünji ýer ugrundaky duşuşykda türkmen milli ýygyndy topary Owganystanyñ milli topary bilen duşuşdy.
Baş tälimçi Serdar Täçnazarowyñ ýolbaşçylygyndaky wolleýbolçylarymyz 3:0 (25-23, 25-21, 25-20) hasabynda ynamly ýeñiş gazandylar.
Çempionatyñ altyn medalyna Gyrgyzystanyñ wolleýbolçylary mynasyp bolup, final duşuşykda ýaryşyñ ýer eýeleri bolan Özbegistanyñ toparyny 3:0 hasabynda ýeñmegi başardylar.
Ýaryşyñ netijeleri boýunça Türkmenistanyñ milli ýygyndysynyñ oýunçysy Mithun Gulyýew hem-de Gyrgyzystanyñ wolleýbolçysy Nurislam Medetbek Uulu "iñ gowy merkezi blok oýunçylary" diýlip yglan edildi we baýraklara mynasyp boldylar.
Iki wolleýbolçy hem ýaryşyñ simwoliki ýygyndysyna (Dream Team) girizildi.
Ýaryşa alty milli ýygyndy toparlary gatnaşyp, ýaryş aýlawly görnüşinde geçirildi. Türkmen wolleýbolçylary owgan toparyny birinji aýlawda hem ýeñdiler.
Türkmen milli ýygyndysynyñ bürünç medaly ugrundaky ýoly:
Türkmenistan-Owganystan (3:0)
Türkmenistan-Maldiw adalary (3:2)
Türkmenistan-Täjigistan (3:0)
Türkmenistan-Gyrgyzystan (1:3)
Türkmenistan-Özbegistan (3:2)
Üçünji ýer ugrundaky duşuşyk:
Türkmenistan-Owganystan (3:0)
ORIENT news
