Turkish Airlines 30 mlrd dollarlyk rekord şertnamasynyň çäklerinde 220 sany Airbus uçaryny satyn alýar
Türk howa ýollary Airbus bilen 30 milliard dollarlyk bolan taryhynda iň iri şertnamasyna gol çekdi. Şertnama laýyklykda, Turkish Airlines 220 sany uçarlary satyn alar: 150 sany Airbus A321neo we 70 Airbus A350 şeýle hem dürli modelleri satyn alar.
Bu sargyt howa kompaniýasyna düzümini giňeltmäge we ekologiýa taýdan arassalygyna we netijeleligine üns bermek bilen ony döwrebaplaşdyrmaga mümkinçilik berer. Turkish Airlines kompaniýasynyň başlygy Ahmet Bola bu şertnamanyň kompaniýanyň ekologiýa maksatlaryna ýetmekde hem ýardam berjekdigi barada aýtdy.
“Airport haber”-iň bellemegine görä, bu şertnama Türkiýeniň awiasiýa pudagyny ösdürmekde hem-de onuň iri awiasiýa merkezi hökmünde ornuny berkitmekde strategik ähmiýete eýedir. Şeýle-de bu sargyt Türkiýeniň howa daşamalarynyň infrastrukturasyny ösdürmäge ýardam berip, ýolagçylar üçin şertleri gowulandyrar hem-de halkara gatnawlaryň sanyny köpelder.
Turkish Airlines we Airbus arasyndaky şertnama kompaniýanyň 2033-nji ýyla çenli düzümini 813 uçara çenli artdyrmak boýunça strategiýasynyň bir bölegi hasaplanylýar.
ORIENT news
