Türkmenistan Halkara pul gaznasynyň we Bütindünýä bankynyň nobatdaky ýyllyk maslahatyna gatnaşar
Türkmenistan Amerikanyň Birleşen Ştatlarynyň Waşington şäherinde geçiriljek Halkara pul gaznasynyň we Bütindünýä bankynyň ýyllyk maslahatyna gatnaşar. Türkmenistanyň Prezidenti Buýruga gol çekdi. Resminama laýyklykda Türkmenistanyň wekiliýetiniň agzalary bu halkara maslahatlara gatnaşmak üçin 2024-nji ýylyň 22-26-njy oktýabry aralygynda Amerikanyň Birleşen Ştatlarynyň Waşington şäherinde gulluk iş saparynda bolar.
Dünýäniň iri halkara pul gaznalarynyň we birnäçe maýa goýum kompaniýalarynyň Arkadag şäheriniň ösüşine aýratyn üns berýän döwründe, bu duşuşyklara gatnaşmak has-da möhüm bolup durýar. Maslahatda innowasion tehnologiýalary ornaşdyrmak, ulag üpjünçilik ulgamlaryny kämilleşdirmek we şäheriň durnukly ykdysady ösüşini gazanmak ýaly meseleler ara alnyp maslahatlaşylar, diýip TDH habar berýär.
Bu sapar, ýurdumyzyň maliýe we ykdysady ösüş ugurlarynda halkara hyzmatdaşlygyny pugtalandyrmak we tejribe alyşmak maksadyny görkezýär.
ORIENT news
