TDHÇMB-da söwdalaşyklar: ýeňil senagat we nebit himiýa önümleri satyn alyndy
16-njy oktýabrda, sişenbe güni, Türkmenistanyň Döwlet haryt çig-mal biržasynda geçirilen söwdalaşyklaryň netijesinde ýeňil senagat we nebit himiýa önümleri satyn alyndy.
Owganystanyň telekeçileri suwdan arassalanan dizel ýangyjyny satyn almak üçin “Türkmennebit” Döwlet konserni bilen geleşik baglaşdylar.
Gyrgyzystanyň we BAE-niň işewür toparlarynyň wekilleri ýeňil senagat önümlerini satyn almak babatda türkmen kompaniýalary bilen geleşikleri baglaşdylar.
Türkmen işewürleri “Türkmennebit” Döwlet konserninden “TPP D 30 S” markaly polipropileni satyn aldylar. Şeýle-de olar Senagat we gurluşyk önümçiligi ministrligi bilen float aýnasyny satyn almak üçin geleşik baglaşdylar. Söwdalaşyklaryň dowamynda umumy bahasy 6 325 000 manada we 2 219 012,22 amerikan dollara barabar bolan 8 geleşik baglaşyldy.
Türkmenistanyň Döwlet haryt çig-mal biržasyndaky kesilen nyrhlar bilen şu salgyda tanyşyp bilersiňiz.
ORIENT news
