Türkmenistanda Magtymgulynyň döredijiligine bagyşlanan paýhas bäsleşigi geçiriler
Türkmenistanyň Döwlet energetika instituty ýokary okuw mekdepleriniň talyplarynyň arasynda paýhas bäsleşigini geçirer.
“Magtymguly we türkmen edebiýaty” bäsleşigi beýik şahyryň doglan gününiň 300 ýyllygyna bagyşlanyp, 30-njy oktýabrda Türkmenistanyň Energetika ministrliginiň Aşgabadyň energetika orta hünär okuw mekdebinde geçiriler.
Her ýokary okuw mekdebiniň adyndan üç talyba çenli gatnaşyp biler. Gatnaşmagyň dowamynda gazanyp boljak iň ýokary baha 100 balldyr.
Paýhas bäsleşigine jogapkär ýokary okuw mekdebi 50 sany test soraglary taýýarlap, olary çözmek üçin gatnaşyjylara 60 minut wagt beriler.
Adalatly eminleriň gatnaşyjylaryň ýumuşlaryny barlandan soň, paýhas bäsleşiginiň ýeňijileri yglan ediler. Olaryň atlary Türkmenistanyň Döwlet energetika institutynyň saýtynda ýerleşdiriler.
Ýeňijiler hormat hatlar bilen sylaglanar.
Gatnaşyjylar we jogapkär mugallymlar baradaky maglumatlar 2024-nji ýylyň 15-nji oktýabryna çenli turkmendili_edebiyaty@mail.ru elektron salgysyna iberilmeli.
Ähli soraglar boýunça aşakdaky salga ýüz tutmaly:
Abdy Abdyýew, paýhas bäsleşiginiň guramaçylyk toparynyň agzasy: +99365311551(turkmendili_edebiyaty@mail.ru).
ORIENT news
