TDHÇMB-da söwdalaşyklar: geçen hepde 18 geleşik hasaba alyndy
Geçen hepde Türkmenistanyň Döwlet haryt çig-mal biržasynda geçirilen söwdalaşyklaryň netijesinde 18 geleşik hasaba alyndy.
Birleşen Arap Emirlikleriniň, Owganystanyň we Özbegistanyň telekeçileri daşary ýurt walýutasyna nebit himiýa önümlerini, hususan-da, “Türkmennebit” Döwlet konserniniň tehnologiýa desgalarynda işläp taýýarlanylan suwdan arassalanan dizel ýangyjyny, polipropilen, ýagtylandyran nebiti hem-de karbamidi (“Türkmenhimiýa” DK) satyn aldylar.
Mundan başga-da, daşary ýurt walýutasyna tekiz reňklenen we žakkard ýumşak önümler, jins matalar, nah ýüplükler satyldy. Satyn alyjy ýurtlar: Türkiýe, Birleşen Arap Emirlikleri. Geleşikleriň umumy bahasy 10 mln 395 müňden gowrak amerikan dollara barabar boldy.
Içerki bazarda türkmenistanly işewürler umumy bahasy 8 mln 168 müň manada barabar bolan polipropileni (“Türkmennebit” DK) we nah ýüplükleri satyn aldylar.
Türkmenistanyň Döwlet haryt çig-mal biržasyndaky kesilen nyrhlar barada şu salgyda tanyşyp bilersiňiz.
ORIENT news
