Saud Arabystanyň haj we umra işleri boýunça ministri Türkmenistanda zyýaratçylar üçin edilýän hyzmatlary ara alyp maslahatlaşdy
Saud Arabystanynyň haj we umra işleri boýunça ministri doktor Taufik bin Fauzan Al-Rabianyň ýolbaşçylygyndaky zyýaratçylara hyzmat etýän wekiliýet Türkmenistana resmi saparyny amala aşyrdy.
Saparyň dowamynda köp sanly geňeşmeler we duşuşyklar geçirildi. Şonda Saud Arabystany Patyşalygy bilen Türkmenistan arasynda zyýaratçylar üçin hyzmatlar pudagynda hyzmatdaşlygy giňeltmegiň ýollary ara alnyp maslahatlaşyldy. Hajy ybadatyny amala aşyrmaga isleg bildirýänlere aňsatlyk we rahatlyk bilen ýerine ýetirmekleri üçin zyýaratçylaryň tejribesini nädip kämilleşdirilmelidigine we baýlaşdyrmalydygyna ünsi çekdi.
Doktor Al-Rabia Merkezi Aziýadan gelen Hudaýyň myhmanlaryny mübärekledi we Patyşalygyň zyýaratçylaryň amatlylygyny we howpsuzlygyny ýokarlandyrýan şertleri döretmäge ygrarlydygyny belledi diýip, Saud Arabystany Patyşalygynyň “SPA” habarlar agentligi habar berýär.
Saparyň çäginde Haj işleri boýunça ministri Türkmenistanyň Ministrler Kabinetiniň Başlygynyň ylym, bilim, saglygy goraýyş, sport, ýaşlar we jemgyýetçilik meseleleri boýunça orunbasary Baýramgül Orazdurdyýewa, şeýle hem Türkmenistanyň müftüsi Ýalkap Hojagulyýew bilen duşuşdy.
Mundan başga-da, Saud Arabystany Patyşalygynyň raýat awiasiýa gullugynyň başlygyny öz içine alýan Saud Arabystanyň bu wekiliýetiniň Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýew bilen duşuşygy geçirildi. Türkmenistandan zyýaratçylaryň syýahaty bilen baglanyşykly hyzmatlary we işleri gowulandyrmak üçin hyzmatdaşlygy utgaşdyrmagyň ýollary ara alnyp maslahatlaşyldy.
Bu işler, “Patyşalygy görmek 2030” Taňrynyň Myhmanlaryna Hyzmat Maksatnamasynyň maksatlaryny durmuşa geçirmek boýunça halkara tagallalarynyň bir bölegidir. Maksatnamanyň esasy maksady – dünýäniň dürli künjeklerinden zyýaratçylaryň we myhmanlaryň isleglerini kanagatlandyrmak we degişli edaralar bilen hyzmatdaşlygy gowulandyrmak arkaly üpjün etmekdir.
Şeýlelik bilen, Haj we Umra ministriniň sapary Saud Arabystany bilen Türkmenistanyň arasyndaky gatnaşyklary pugtalandyrýar we musulmanlar üçin amatly we howpsuz zyýarat etmegiň möhümdigini görkezýär.
ORIENT news
