Türkmen parlamentarileri Bişkekdäki Merkezi Aziýa zenanlar forumyna gatnaşýarlar
Türkmenistanyň Mejlisiniň wekilleri 4-nji oktýabrda Gyrgyzystanyň Bişkek şäherinde geçirilen Merkezi Aziýa ýurtlarynyň zenanlar diologynyň forumyna gatnaşdy.
“Zenenlar, parahatçylyk we howpsuzlyk: Merkezi Aziýa sebitinde we Owganystanda zenanlaryň parahatçylygy we howpsuzlygy ösdürmekde tutýan orny” ady bilen geçirilen bu forum sebitleýin hyzmatdaşlygy berkidmek we parahatçylyk dörediji işlerde zenanlaryň öňdebaryjylygyny ýokarlandyrmak maksat edinýär.
Türkmen parlamentarlary öz çykyşlarynda sebitde parahatçylygy, abadançylygy we howpsuzlygy üpjün etmekde ýurtlaryň arasyndaky dost-doganlyk gatnaşyklaryň ähmiýetini nygtadylar, zenanlaryň milli ykdysadyýetiň pudaklaryny ösdürmekde tutýan ornuny bellediler we kanuny kepillikler we zenanlar üçin dumuş ýeňillikleri meseleleri barada çykyş etdiler.
“Häzirki wagtda ýurduň we Türkmenistanyň Prezidentiniň ýolbaşçylygynda biziň ýurdumyz durnukly ösüş maksatlary üçin dünýäniň ýurtlary we halkara guramalary bilen hyzmatdaşlygy yzygiderli berkidýär. Bu gün, şeýle hem, “Zenanlar, parahatçylyk we howpsuzlyk” umumy gün tertibine eýerip, zenanlar diologynyň çäginde geňeşmeleri yzygiderli ösdürmegi teklip edýäris” diýip, Türkmenistan Mejlisiniň Ylym, bilim medeniýet we ýaşlar syýasaty baradaky komitetiniň başlygy Bahar Seýidowa belledi.
Foruma gatnaşyjylar howanyň üýtgemegine gender taýdan duýgur uýgunlaşma we serhetüsti suw çeşmelerini gender taýdan dolandyrmak ýaly möhüm mowzuklary ara alyp maslahatlaşdylar. Hususan-da, zenanlaryň serhetaşa sebitlerde suw baýlyklaryny dolandyrmaga gatnaşygyny ýokarlandyrmaga, suwdan durnukly peýdalanmak üçin sebitleýin hyzmatdaşlygyň ösmegine itergi bermek üçin innowasiýa çözgütlere seredildi.
Forumyň netijesinde zenanlaryň Merkezi Aziýada we Owganystanda parahatçylygy gurmak we durnukly ösüşe ähmiýetli gatnaşmagyny üpjün etmek üçin strategiki teklipler kabul edildi. Bu teklipler sebitara hyzmatdaşlygy pugtalandyrmak maksady bilen indiki hökümetara syýasy işlerde hödürlener.
Bişkekdäki çäre halkara guramalarynyň wekilleriniň we BMG-niň Merkezi Aziýa üçin öňüni alyş diplomatiýasy boýunça Sebit merkeziniň goldawy bilen ýerli häkimiýetler tarapyndan gurnaldy.
ORIENT news
