Türkmenistan we ABŞ bilelikdäki okuw maksatnamalaryny döredýärler
2024-nji ýylyñ 3-nji oktýabrynda Türkmenistanyñ Bilim ministrliginiñ wekiliýetiniñ Kent döwlet uniwersitetine amala aşyran saparynyñ çäginde ABŞ-nyñ we Türkmenistanyñ ýokary okuw mekdepleriniñ arasynda hyzmatdaşlygy ösdürmäge gönükdirilen möhüm gepleşikler geçirildi.
Wise-prezident Marçello Fantoni bilen duşuşykda wajyp meseleler, şol sanda ýol kartasynyñ taslamasy hem-de Halkara ynsanperwer ylymlary we ösüş uniwersiteti bilen bilelikdäki maksatnamalarynyñ döredilmegi ara alnyp maslahatlaşyldy. Bu maksatnamalar Türkmenistanda Kent uniwersitetiniñ şahamçasynyñ açylmagynyñ esasyny düzer.
Şeýle-de SUSI, Fullbright we IVLP ýaly ABŞ-nyñ maksatnamalaryndan peýdalanmak mümkinçilikleri hem-de moda,binagärçilik we işewürlik ugurlary boýunça hyzmatdaşlyk barada maslahatlaşyldy. Wekiliýet feşn-dizaýn (moda dizaýni), akylly şäher we häzirki zaman okuw tehnologiýalary ugurlar boýunça innowasiýalar bilen tanyş boldy. Maslahatlaşmalar halkara bazar we işewürlik şertlerinde işlemäge ukyply hünärmenleriñ taýýarlanylmagynyñ ähmiýetini açyp görkezdi.
Sapar ýurtlaryñ arasyndaky bilim hyzmatdaşlygyny mundan beýläk-de ösdürmek üçin, şeýle-de ylymda täze ýollary açmak üçin ýokary mümkinçilikleriñ bardygyny açyp görkezdi diýip, Türkmenistanyñ Bilim ministrliginiñ saýtynda habar berilýär.
ORIENT news
