Meksikanyň ilkinji aýal-prezidenti Klaudiýa Şeýnbaum resmi ýagdaýda wezipesine girişdi
Meksikanyň ilkinji aýal-prezidenti 62 ýaşly Klaudiýa Şeýnbaum resmi ýagdaýda Meksikanyň prezidenti wezipesine girişdi. Bu barada “TASS” habarlar agentligi habar berýär.
Inaugurasiýa (wezipä girişmek) dabarasy Mehikoda San-Lasaro Kanunçykaryjy köşgünde geçirildi.
«Meksikanyň Birleşen Ştatlarynyň syýasy konstitusiýasyny we ondan gelip çykýan kanunlary berjaý etjekdigшme we olary gorap saklajakdygyma, şeýle-de birleşigiň abadançylygy we gülläp ösüşi barada alada edip, halkyň maňa ynanylan respublikanyň prezidentiniň borçlaryny wepaly we watansöýüjilik ruhunda ýerine ýetirjekdigime kasam edýärin. Eger-de men muny ýerine ýetirmesem, goý, millet meni jogapkärçilige jekip jezamy bersin» – diýip, Şeýnbaum prezident kasamyny ýerine ýetirdi.
Deputatlar palatasynyň (aşaky palata) prezidiumynyň başlygy Ifigeniýa Martines Ernandes Klaudiýa Şeýnbauma meksikan baýdagynyň reňkinde prezident talasyny gowşurdy. Talas prezident häkimiýetiniň bir nyşany hasaplanylýar.
Klaudiýa Şeýnbaum Meksikanyň Milli awtonom uniwersitetinde fizika fakultetini tamamlady. Şol ýokary okuw mekdebinde ol eneregetika ugry boýunça magistrlik we doktorlyk derejesini aldy.
ORIENT news
