TDHÇMB-da söwdalaşyklar: nebit-himiýa önümlerine ýokary isleg bildirildi

Oktýabr 03, 2024 | 09:16 |6840

2-nji oktýabrda, çarşenbe güni, Türkmenistanyň Döwlet haryt çig-mal biržasynda geçirilen söwdalaşyklaryň dowamynda nebit-himiýa pudagynyň önümleri satyldy.

Birleşen Arap Emirlikleriniň we Özbegistanyň işewürleri suwdan arassalanan dizel ýangyjyny, “KO-20” markaly ýagtylandyran nebiti we “ТПП Д 382 БФ” we “ТПП Д 30 С” markalarynyň polipropilenini satyn almak üçin “Türkmennebit” Döwlet konserni bilen geleşik ylalaşdylar.

Söwdalaşyklaryň netijesinde umumy bahasy 2 466 000 amerikan dollara barabar bolan 5 geleşik baglaşyldy.

Türkmenistanyň Döwlet haryt çig-mal biržasyndaky kesilen nyrhlar barada şu salgyda tanyşyp bilersiňiz.

ORIENT news