TDHÇMB-da söwdalaşyklar: geçen hepde 9 geleşik hasaba alyndy

Sentýabr 30, 2024 | 11:41 |6887

Geçen hepde Türkmenistanyň Döwlet haryt çig-mal biržasynda geçirilen söwdalaşyklaryň netijesinde 9 geleşik hasaba alyndy.

Birleşen Arap Emirlikleriniň, Owganystanyň we Özbegistanyň işewür toparlarynyň wekilleri daşary ýurt walýutasyna “Türkmennebit” Döwlet konserniniň desgalarynda işlenilip taýýarlanylan suwaldylan gazy we awiasiýa nebitini satyn aldylar.

Mundan başga-da, daşary ýurt walýutasyna reňklenen ýumşak matalar, nah ýüplükler we agardylmadyk matalar satyldy. Satyn alyjy ýurtlar: Birleşen Arap Emirlikleri, Türkiýe. Geleşikleriň umumy bahasy 23 mln 415 müň amerikan dollara barabar boldy.

Türkmenistanyň Döwlet haryt çig-mal biržasyndaky kesilen nyrhlar barada şu salgyda tanyşyp bilersiňiz.

ORIENT news