Türkmenistan ÝHHG-na durnukly ulag boýunça edarasyny döretmegi teklip edýär
28-nji sentýabrda Nýu-Ýorkda Türkmenistanyñ Daşary işler ministri Raşid Meredowyñ ÝHHG-niñ Baş sekretarynyñ wezipesini ýerine ýetirijisi we dawalaryñ öñüni almak boýunça Merkeziniñ ýolbaşçysy Ketrin Fironyñ arasynda duşuşyk geçirildi.
Taraplar Türkmenistan bilen ÝHHG-niñ arasynda syýasy, ykdysady we ynsanperwer ugurlar boýunça köpýyllyk hyzmatdaşlygynyñ ähmiýeti barada belläp geçdiler. Türkmenistanyñ sebit howpsuzlygynyñ we durnukly ösüşiñ pugtalandyrylmagyna ähmiýet bermek bilen Guramanyñ häzirki formatynda mundan beýläk-de ösdürulmegini goldaýandygy barada bellenildi.
Maslahatlaşmanyñ dowamynda Türkmenistanda häzirki wagtda we geljekde amala aşyryljak taslamalara we maksatnamalara garaldy. Daşary işler ministri ÝHHG-niñ çäginde öñe sürülen başlangyçlaryny, şol sanda Ählumumy Howpsuzlyk Strategiýasynyñ taýýarlanylyşyny, ekologiýa maksatnamasynyñ işlenilip düzülmegini we durnukly ulag boýunça edaranyñ döredilmegini ýene bir gezek tassyklady. Bu başlangyçlar Türkmenistanyñ daşky gurşawy goramak we ulag infrastrukturasyny ösdürmek babatda ileri tutulýan ugurlaryna laýyk gelip, Guramanyñ işiniñ gowulandyrylmagynda möhüm bolup durýar.
ORIENT news
