Ankaranyñ beýik binalary Türkmenistanyñ Garaşsyzlygynyñ 33 ýyllygy mynasybetli türkmen baýdagynyñ reñkine bezeldi
Düýn, 27-nji sentýabrda Ankaranyñ iñ beýik binalary bolan Türkiýeniñ söwda-senagat palatasy we birža birleşiginiñ binasy we paýtagtyñ baş ajaýyplygy bolan "Atakule" gözegçilik diñi Türkmenistanyñ Garaşsyzlygynyñ 33 ýyllygy mynasybetli Türkmenistanyñ Döwlet baýdagynyñ reñkine bezeldi.
Haly gölli, ýarymaýly we bäş ýyldyzly gyzyl we ýaşyl baýdagynyñ aýdyñ çyra bezegi binalarda owadan şöhle saçdy. Türkiýeniñ söwda-senagat palatasy we birža birleşiginiñ binasynyñ beýikligi 140 m bolup, ol Ankaranyñ iñ beýik binalarynyñ biridigini we Türkiýe Respublikasynyñ möhüm işewür merkezidigini bellemek zerur.
Mundan başga-da, paýtagtyñ dürli künjeklerinden görünýän 125 metrlik "Atakule" diñinde türk we iñlis dilinde "Türkmenistanyñ Garaşsyzlyk baýramy gutly bolsun!" diýlen ýazgy ýerleşdirildi. Uly ekranda Türkmenistanyñ ýeten sepgitleri baradaky wideo ýazgysy görkezildi. Bu waka bolsa iki ýurduñ arasyndaky dostlugyñ we doganlygyñ nyşanydyr.
