Moskwa şäherindäki Täze Arbatdaky köpgatly binalar Türkmenistanyň baýdagynyň reňkine bezeler
27-nji sentýabryň agşamsyna, Türkmenistanyň Garaşsyzlygynyň 33 ýyllygy mynasybetli Moskwa şäherindäki Täze Arbat köçesinde ýerleşen köpgatly binalar çyra bezegleri arkaly türkmen milli baýdagynyň reňkine bezeler diýip, Russiýa Federasiýasynda Türkmenistanyň ilçihanasynda habar berdiler. Şeýlelikde, Russiýanyň paýtagty Türkmenistanyň baş döwlet baýarmçylygyny gutlar.
“Moskwanyň meriýasynyň bu karary ähmiýetli nyşan hem-de manyly hereket bolup, dostluk, hoşniýetli goňşuçylyk, özara düşünişmek we hormat ýaly Türkmenistanyň we Russiýa Federasiýasynyň arasyndaky strategik hyzmatdaşlyk gatnaşyklarynyň kesgitleýji aýratynlyklaryna bolan ygrarlylygyny açyp görkezdi” – diýip, diplomatik wekilhanasynda bellediler.
Baýarmçylyk çyra bezegi Moskwanyň wagty boýunça sagat 20:00-dan 00:00-e çenli dowam eder.
