Urumçide Hytaýyñ we Merkezi Aziýa ýurtlarynyñ Ýokary kazyýet başlyklarynyñ ilkinji duşuşygy geçirildi
Urumçide Hytaýyñ we Merkezi Aziýa ýurtlarynyñ Ýokary kazyýet başlyklarynyñ duşuşygy geçirildi. Çäre 24-nji sentýabrda oña gatnaşyjylar tarapyndan beýannamanyñ kabul edilmegi bilen tamamlanyp, onda Hytaýyñ we Merkezi Aziýa döwletleriniñ arasynda kazyýet ugry boýunça hyzmatdaşlygynyñ pugtalandyrylmagy ähli taraplaryñ ösdürilmegine hem-de gülläp ösüşine, özara ynanyşmak we hoşniýetli goñşuçylyk, dostlukly gatnaşyklaryñ berkidilmegine mümkinçilik berer diýip bellenilýär.
Beýannama halkara söwda dawalaryñ çözülşiniñ diwersifisirlenen guralynyñ kämilleşdirilmegine, zorluga, terrorizme, neşe serişdelerine, korrupsiýa, kiber jenaýatlara garşy göreşde halkara jenaýat-kazyýet hyzmatdaşlygynyñ pugtalandyrylmagyna, ekologiýa adalatlylygy boýunça halkara hyzmatdaşlygynyñ amala aşyrylmagyna, kazyýet mümkinçilikleri we standartlary gowulandyrmak üçin maglumat tehnologiýalaryñ ulanylmagyna hem-de kazyýet hyzmatdašlygynyñ meýdançasynyñ giñeldilmegine we gatnaşyjylaryñ ylalaşyklary gazanan beýleki ugurlaryna gönükdirilendir diýip, chinapeace.gov.cn habar berýär.
Mejlisde Gazagystan Respublikasynyñ Ýokary kazyýetiniñ başlygy Aslanbek Mergaliýew, Gyrgyzystan Respublikasynyñ Ýokary kazyýetiniñ başlygy Zamirbek Bazarbekow, Täjigistan Respublikasynyñ Ýokary kazyýetiniñ başlygy Şohiýon Şermuhammad, Özbegistan Respublikasynyñ Ýokary kazyýetiniñ başlygy Bahtiýar Islamow çykyş etdiler. Türkmenistanyñ Ýokary kazyýetiniñ kazysy Çaryguly Ataýew onlaýn ýüzlenmesi bilen çykyş etdi.
Hytaý halk respublikasynyñ Ýokary halk kazyýetiniñ başlygy Çžan Szýun maksatnama sözi bilen çykyş etdi.
Bu duşuşygyñ Hytaý-Merkezi Aziýa sammitinde Döwlet Baştutanlaryñ arasynda ýetilen ylalaşyklarynyñ hem-de Beýik Ýüpek ýolunyñ öñe sürülmegini amala aşyrmagyñ çäklerinde geçirilendigi barada bellenilýär.
Duşuşykda kazyýet toparlarynyñ wekillerinden başga-da Hytaý-Merkezi Aziýa gural sekretariatynyñ ýolbaşçylary hem-de Hytaýda akkreditirlenen degişli ýurtlaryñ diplomatlary hem gatnaşdy.
ORIENT news
