AŞTU-nyň hünärmenleri IT-tehnologiýalaryny dolandyrmakda ussatlyklaryny görkezdiler
Türkmenistanyň Garaşsyzlygynyň 33 ýyllygy baýramçylygynyň öňisyrasynda, “Aşgabat şäher telefon ulgamy” (AŞTU) ýapyk görnüşli paýdarlar jemgyýeti (ÝGPJ) ýaş hünärmenleriniň arasynda maglumat tehlogiýasynda öz ukyplaryny görkezmek boýunça bäsleşik geçirdi. Bu barada aragatnaşyk ulgamyň web sahypasynda habar berilýär.
Bäsleşik her biri dört hünärmenden ybarat sekiz toparyň gatnaşmagynda geçirildi. Gatnaşanlar IT ulgamlaryny döretmek, işläp duran swiç enjamlarynda portlary ýazga almak ýa-da öçürmek boýunça gurnama we sazlama işlerini ýerine ýetirmekde ussatlygyny görkezdiler görkezdiler. Şeýle hem, Wi-Fi routerleri, ADSL modemlerini sazlamak başarnyklaryny, IP- telewideniýe, Belet Film, Älem TV we başga hyzmatlaryny birikdirmek ukybyny görkezdiler.
Çeşmede habar berlişine görä, bäsleşigiň geçirilýän ýerine öňünden optiki we Ethernet kabelleri çekilip, olaryň uçlaryny ýörite gurallar bilen dogry gysmak, taýýarlamak we birikdirmek işleri hem bäsleşigiň şertleriniň biri boldy.
Netijede, №1 Tehniki aragatnaşyk ulgamynyň topary ýeňiş gazandy, №3 Tehniki Aragatnaşyk Merkeziniň topary ikinji orny, №2 Tehniki Aragatnaşyk Merkeziniň topary bolsa üçünji orny eýeledi. Ýeňijiler gymmat bahaly baýraklara eýe boldular.
ORIENT news
