Paýnamalaryň bahalarynyň ýokarlanmagyny çaklaýan emeli aň ulgamy döredildi
Sentýabr 23, 2024 | 16:11 |9618
M.W.Lomonosow adyndaky Moskwanyň döwlet uniwersitetiniň hünärmenleri emeli aň tehnologiýalaryny ulanyp, ykdysady täzelikleri seljermek arkaly paýnamalaryň bahalarynyň üýtgemegini çaklamaga mümkinçilik berýän ulgam döretdi diýip, TASS habar berýär.
Neýro ulgamlarynyň ulanylmagy awtorlara dürli maglumatlaryň arasynda has çylşyrymly gatnaşyklary kesgitlemäge we daşarky wakalaryň gazna bazaryna edýän täsirini göz öňünde tutmaga mümkinçilik berdi.
Ýokary okuw mekdebiň metbugat gullugynyň habaryna görä, täze çemeleşme maýadarlara we analitiklere gazna bazardaky üýtgeşmelere has gowy uýgunlaşmaga we bahalaryň hereketini takyk çaklamaga mümkinçilik berýär. Şeýlelikde, söwda has açyk we üstünlikli bolýar.
ORIENT news
