Türkmenistanyň Daşary işler ministrliginde ABŞ-nyň ilçisi Elizabet Rud bilen duşuşyk geçirildi
20-nji awgustda, sişenbe güni, Türkmenistanyň Daşary işler ministrliginde ABŞ-nyň ilçisi Elizabet Rud bilen duşuşyk geçirildi. Amerikan diplomaty bilen bolan duşuşygy daşary işler ministriniň orunbasary Ahmet Gurbanow geçirdi.
DIM-iň habarlar gullugynyň habar bermegine görä, ikitaraplaýyn hyzmatdaşlygyň esasy ugurlary boýunça pikir alyşmalaryň dowamynda syýasy-diplomatik, söwda-ykdysady, medeni we ynsanperwer ugurlaryndan taraplaryň bilelikädi tagalallary barada bygtalyp geçildi.
Ikitaraplaýyn bähbitleri we gatnaşyklaryň ösüşi üçin bilelikdäki hereketleri ugrukdyrmak meselesini ara alyp maslahatlaşmakda türkmen-amerikan syýasy geňeşmeleriň formatyna ýokary baha berildi.
Söhbetdeşler hyzmatdaşlygy pugtalandyrmak maksady bilen yzygiderli duşuşyklary geiçrmegi şertlendirdiler.
Bu weizpede Metýu Klimou çalşan ABŞ -nyň täze ilçisi Elizabet Rud 24-nji iýulda Türkmenistana gelip, Aşgabatda ABŞ-nyň ilçihanasynda öz işine başlady. Ilçi Rud 15-nji iýulda Türkmenistanda ABŞ-nyň Adatdan daşary we doly ygtyýarly ilçisi hökmünde kasamy kabul edip, 31-nji iýulda Türkmenistanyň Prezidenti Serdar Berdimuhamedowa ynanç hatlaryny gowşurdy.
Onuň öňki eýelän wezipeleri: Moskwada ABŞ-nyň ilçihanasynyň wekilhana başlygynyň orunbasary; ABŞ-nyň goşunynyň Harby kollejiniň fakultetiniň geňeşçisi; Tbiliside ABŞ-nyň ilçihanasynyň wekilhana başlygynyň orunbasary; Kabulda ABŞ-nyň ilçihanasynyň syýasy geňeşçisi. Ilçi Rud rus, fransuz, nemes, puştu, dari, gruzin we türkmen dillerini bilýär, diýip amerikan diplomatik wekilhanasynyň saýtynda bellenilýär.
ORIENT news
