Astrahandaky konsullyk edarasynda geçen duşuşykda Türkmenistan üçin hünärmenleri taýýarlamak meselesi ara alnyp maslahatlaşyldy
Türkmenistanyň Astrahandaky konsuly Gadam Ilamanow Astrahan döwlet tehniki uniwersitetiniň rektory Aleksandr Newalennyý bilen duşuşdy.
Duşuşyk 5-nji iýunda Türkmenistanyň konsullygynda geçdi. Duşuşyga Astrahan döwlet tehniki uniwersitetiniň wekiliýeti gatnaşdy.
Taraplar Türkmenistan üçin hünärmenleri taýýarlamak, ylym-bilim, balyk hojalygy we nebitgaz ulgamlarynda hyzmatdaşlygyň mümkinçiliklerini ara alyp maslahatlaşdylar.
ADTU-nyň Hazarýaka döwletleriniň arasynda özara gatnaşyklary guramakda we ilerletmekde möhüm orun eýeleýändigi bellenildi. 2024-nji ýylyň oktýabr aýynda geçiriljek Hazarýaka ýurtlarynyň uniwersitetleriniň we ylmy-barlag merkezleriniň assosiasiýasynyň Baş Assambleýasy sebit we ADTU üçin möhüm waka bolar.
Häzirki wagtda ADTU-da 170-den gowrak türkmen talyby bilim alýar diýip, konsullykda habar berýär.
ORIENT news
