Türkmenistandan ýaş zenanlary ÝHHG-nyň talyp hakly maksatnamasyna gatnaşmaga çagyrylýar
Gaýtadan dikeldilýän energiýa pudagynda aýal-gyzlary goldamak ugrundaky tagallalarynyň çäginde Ýewropada Howpsuzlyk we Hyzmatdaşlyk Guramasy magistr derejesini almak üçin ikinji kabul edişligi yglan edilýär. Bu ajaýyp mümkinçilik ýaşaýyş jaýy, ulag we aýlyk talyp haky ýaly doly tölegli okuwy şertlendirýär. Bu maksatnama 2024-nji ýylyň 2-nji sentýabryndan 2025-nji ýylyň 31-nji maýyna çenli Nemes-Gazak uniwersitetinde geçiriler.
Bu maksatnama Merkezi Aziýadan, Owganystandan we Mongoliýadan çalt ösýän we dikeldilýän möhüm energiýa pudagynda ornuny kämilleşdirmek isleýän ýaş zenanlar üçin mümkinçilikleri hödürleýär. Gatnaşýanlar gaýtadan dikeldilýän energiýa we energiýa netijeliligini strategiki dolandyrmak boýunça giňişleýin bilim alarlar, bu halkara we milli kompaniýalarda köp sanly kär mümkinçiliklerine täze gapylary açar.
Maksatnamanyň peýdalary:
• Doly tölenen okuw we ýaşaýyş jaýy
• Ulag çykdajylarynyň öwezini dolmak
• Aýlyk talyp haky
• Gaýtadan dikeldiýän energiýa desgalaryna baryp görmek
• Professional aragatnaşyklar ulgamyny gurmak we öwüt-nesihat häsiýetli goldawyny almak mümkinçiligi.
Sowalnamany tabşyrmagyň möhleti: 2024-nji ýylyň 1-nji iýulyna çenli (Gazagystanyň raýatlary üçin 2024-nji ýylyň 15-nji iýulyna çenli).
ÝHHG-niň web sahypasynda has giňişleýin maglumat almak üçin: https://www.osce.org/oceea/565390
Hasaba alyş we has giňişleýin maglumat üçin Nemes-Gazak uniwersitetiniň web sahypasyna giriň.
Habarlaşmak üçin:
• Alekseý Kobzew: kobzev@dku.kz
• Sanýa Ahmetowa: akhmetova@dku.kz
• Abylaýhan Soltanaýew: soltanayev@dku.kz
Talyp haky maksatnamasy Awstriýanyň, Fransiýanyň, Germaniýanyň, Italiýanyň, Norwegiýanyň we Polşanyň hökümetleri tarapyndan goldanýan Merkezi Aziýada energiýa howpsuzlygy we durnuklylyk üçin zenanlaryň energiýa pudagyna ykdysady gatnaşygyny ýokarlandyrmak boýunça ÝHHG-niň taslamasynyň çäginde guraldy.
ÝHHG bilen gaýtadan dikeldilýän energiýanyň geljegini üýtgetmek mümkinçiligini elden bermäň!
