Aşgabatda welosipedli ýörişiň ýaş gatnaşyjylary sylaglandy
Birleşen Milletler Guramasynyň Ilat Gaznasynyň (UNFPA) Türkmenistandaky wekilhanasy Türkmenistanyň Bedenterbiýe we sport baradaky döwlet komiteti bilen bilelikde 27 – 29-njy maý aralygynda geçirilen welosipedli ýörişe gatnaşyjylary sylaglamak dabarasyny geçirdi.
Her ýyl 3-nji iýunda bellenilýän Bütindünýä welosiped gününe bagyşlanan welosipedli ýörişe 40-dan gowrak ýaş oglan we gyz gatnaşdy. Ýaş welosipedçiler bellenen aralygy ruhubelentlik bilen geçip, Türkmenistanyň ýaşlaryň arasynda sagdyn durmuş ýörelgesini, sporty we gender deňligini wagyz etmäge ygrarlydygyny görkezdiler.
UNFPA-nyň Türkmenistandaky edarasynyň ýolbaşçysy Kemal Goşlyýewiň belleýşi ýaly, welosiped sürmek diňe bir saglygy goramaga däl, eýsem, ýaşyl ösüş maksadyna ýetmäge hem goşant goşýar.
Sylag gowşurylyş dabarasyndan başga-da, bu çäräniň çäklerinde Bedenterbiýe we sport baradaky döwlet komiteti UNFPA bilen bilelikde welosipedli ýörişe gatnaşyjylaryň arasynda gender deňligi, deň mümkinçilikler we ýaşlaryň ýurduň ösüşindäki orny barada bäsleşik hem-de çekişmeleri geçirdi.
Türkmen türgenleri dünýä derejesindäki ýaryşlarda ajaýyp netijeleri görkezýärler. Munuň özi zenanlaryň durmuşyň islendik ugrunda, şol sanda sportda üstünlik gazanmaga ukyplydygyny subut edýär.
ORIENT news
