«Cargolux» Türkmenistana amala aşyrýan uçuşlarynyň sanyny artdyrmagy meýilleşdirýär
Düýbi Lýuksemburgda ýerleşýän «Cargolux» ýük awiakompaniýasy Türkmenistana amala aşyrýan uçuşlarynyň sanyny artdyrmagy meýilleşdirýändigini yglan etdi.
Bu teklip «Cargolux» ýük awiakompaniýasynyň wise-prezidenti Maksim Ştraus bilen «Türkmenhowaýollary» agentliginiň wekilleriniň arasynda geçirilen duşuşykda beýan edildi.
Şeýle hem duşuşykda Lýuksemburgyň kompaniýasynyň ýöriteleşdirilen okuw merkezlerinde işgärleri taýýarlamak boýunça hyzmatdaşlyk ýola goýuldy.
«Cargolux Airlines International S.A.» yzygiderli ýük daşamalary boýunça bütin dünýäde işleýän iň uly Ýewropanyň iň iri awiakompaniýalarynyň biridir. Kompaniýa ýolagçy uçuşlaryny hem amala aşyrýar.
«Cargolux» Ýewropa awiakompaniýalary birleşiginiň (AEA) we Halkara howa ulaglary birleşiginiň (IATA) agzasydyr. Köp ýyllaryň dowamynda innowasion konsepsiýalary we hyzmatlarynyň hilini yzygiderli ýokarlandyrmaga bolan ygrarlylyk kompaniýanyň birnäçe baýraklary gazanmagyna, şol sanda «Air Cargo News» söwda žurnalynyň okyjylarynyň arasyndaky ses berlişigiň netijelerine laýyklykda, dört ýyl yzly-yzyna «Iň gowy ýük awiakompaniýasy» baýragyna mynasyp bolmagyna mümkinçilik berdi. Bu baýrak oňa pudagyň birinji derejeli howa ýüklerini üpjün edijisi hökmünde nusgalyk göreldesi üçin berildi.
ORIENT news
