OPEK+ nebit geleşigini tutuş 2025-nji ýyl üçin uzaltdy
OPEK+ guramasy nebiti çykarmagy azaltmak baradaky ylalaşygy tutuş 2025-nji ýyl üçin uzaltmak kararyna geldi. Bu barada Bloomberg habarlar agentligi guramanyň mejlisiniň netijeleri boýunça kabul edilen beýannama salgylanyp habar berýär.
Mundan başga-da, OPEK+döwletleri, şol sanda Russiýa, Saud Arabystany nebiti çykarmagyň mukdaryny bir gije-gündizde 1,66 million barrel meýletin azaltmagy tutuş indiki ýyl üçin uzaldarlar.
Bu ýurtlaryň nebiti çykarmagyň mukdaryny goşmaça bir gije-gündizde 2,2 million barrel azaltmak baradaky karary diňe 2025-nji ýylyň birinji ýarymynda hereket eder. Birleşen Arap Emirlikleriniň hasabyna bu birleşige girýän ýurtlaryň nebiti çykarmak boýunça kwotasy bir gije-gündizde 39,425 milliondan 39,725 million barrele çykar.
OPEK+-niň ministrler duşuşyklary her ýarym ýylda bir gezek geçiriler. Şeýle duşuşygyň indikisi 1-nji dekabrda geçiriler.
ORIENT news
