Özbegistanda ilatyň Bitewi elektron sanawy giriziler
Özbegistanda ilatyň Bitewi elektron sanawyny girizmek meýilleşdirilýär, diýip Özbegistanyň milli habarlar agentligi habar berýär.
Bu sanaw ýurduň Prezidentiniň şu ýylyň 24-nji maýynda kabul eden degişli Permanynyň esasynda dörediler.
Fiziki şahslaryň raýatlyk ýagdaýy baradaky we beýleki şahsy maglumatlary özünde jemleýän ilatyň bitewi elektron sanawy 2025-nji ýylyň 1-nji ýanwaryndan başlap hereket eder.
Ilatyň bitewi elektron sanawy Özbegistan Respublikasynyň raýatlarynyň, daşary ýurt raýatlaryň hem-de Özbegistan Respublikasynda hemişelik ýaşaýan raýatlygy bolmadyk adamlaryň şahsy maglumatlarynyň bitewi elektron toplumydyr.
Bu sanaw raýatlara döwlet hyzmatlary amala aşyrylanda, notarial amallar resmileşdirilende, bank, hojalyk, ätiýaçlandyryş we beýleki köpçülikleýin hyzmatlar ýerine ýetirilende ulanylýar.
ORIENT news
