TMK Çagalary goramagyň halkara gününe bagyşlanan konserte çagyrýar
Maý 30, 2024 | 11:33 |11590
31-nji maýda M.Kuliýewa adyndaky Türkmen milli konserwatoriýasynyň Uly zalynda sazçylyk mekdepleriniň ýaş sazandalarynyň, talyplaryň we meşhur ýerine ýetirijileriň gatnaşmagynda «Яркий Я» atly konsert geçiriler.
Konsertde çagalar horlarynyň, kirşli, üflenip we kakylyp çalynýan saz gurallary orkestrleriniň, gitaraçylar we dutarlar toparlarynyň çykyşlary, şeýle hem ýekelikdäki çykyşlar ýerine ýetiriler. Aýdymçylaryň arasynda halkara bäsleşiginiň laureaty Žanna Saýan hem bar.
Konsert maksatnamasy rus we daşary ýurtly kompozitorlaryň eserlerini, multfilmlerden hem-de kinofilmlerden aýdymlary öz içine alýar.
Konsertmeýsterler hökmünde Ýelena Arakelýan we Ýekaterina Darçiýa çykyş eder.
Konsert 18:00-da başlanýar. Giriş mugt.
ORIENT news
