Türkmenistanyň Döwlet haryt-çig mal biržasynyň söwdalarynda “Türkmennebit” döwlet konserniniň we ýeňil senagatynyň önümlerine uly isleg bildirildi

Maý 17, 2024 | 08:58 |7021

15-nji maýda, Çarşenbe güni, Türkmenistanyň Döwlet haryt-çig mal biržasynyň söwdalarynda “Türkmennebit” döwlet konserniniň we ýeňil senagatynyň önümleri ýerlenildi.

Owganystanyň telekeçileri “Türkmennebit” döwlet konserni bilen “TC-1” uçar kerosinini we “L-0,5-62” dizel ýangyjyny satyn almak barada geleşik baglaşdylar.

Türkiýäniň we Azerbaýjanyň işewür toparlarynyň wekilleri türkmen kompaniýadan aşgarlanmadyk nah ýüplügini we jins matany satyn aldylar.

Söwdalaryň dowamynda jemi bahasy 18 827 717,11 dollar bolan 12 geleşik baglaşyldy.

Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bolar.

ORIENT news